• betristofur-165

Betri stofur á flugvöllum

Þægilegt og afslappað umhverfi á flugvöllum, heima og úti.

Betri stofur út um allan heim gætu hentað þér mjög vel ef þú leitar að næði og rólegheitum á ferðalögum. Við getum veitt þér aðgang að rúmlega 600 betri biðstofum í yfir 275 borgum í 90 löndum víðs vegar um heiminn, heima og utan.

Betri stofa Icelandair í Leifstöð er tengd ákveðnum tegundum korta sem og Priority Pass betri stofur sem finna má erlendis. Sjá má hér fyrir neðan nánar um betri stofur sem í boði eru.


Betri stofa Icelandair í Leifsstöð

Betri stofa Icelandair í Leifsstöð er hin glæsilegasta og þar geturðu verið í ró og næði. Netsamband, tímarit, veitingar og hvíldaraðstaða er meðal annars það sem betri stofan í Leifsstöð betur boðið þér.

Þegar flogið er með áætlunar- og leiguflugi Icelandair þá veita ákveðin kort  þér, sem handhafa kortsins, aðgang í Saga Lounge stofuna í Leifsstöð án endurgjalds, ekki er heimilt að taka með gest. Börn fá aðgang í Saga Lounge ef þau eru að ferðast á Economy Comfort eða Saga Class. Börn/ungabörn fá ekki aðgang með þeim kortum sem heimila ekki gest.

Framvísa þarf kortinu og brottfararspjöldum við inngöngu í Saga Lounge stofuna í Leifsstöð. 

Undirbúðu þig fyrir flugið og slakaðu á í rólegu umhverfi betri stofunnar.


Þau kort sem að bjóða upp á aðgang í Saga Lounge stofu Icelandair í Leifsstöð eru:

  • Premium Icelandair American Express
  • Business Icelandair American Express

Priority Pass stofur

Með Priority Pass getur þú fengið aðgang að yfir 600 betri stofum í 275 borgum í 90 löndum. Það ætti því ekki að vera vandamál að finna betri stofu á ferðalögum þínum.

Framvísa þarf Priority Pass kortinu við inngöngu í betri stofur Priority Pass. Við bendum viðskiptavinum okkar á að athuga alltaf áður en lagt er af stað hvort að Priority Pass kortið sé í gildi en sé það útrunnið er velkomið að óska eftir nýju með því að hafa samband við okkur í síma 550 1500, senda tölvupóst á netfangið kreditkort (hjá) kreditkort.is eða koma við í afgreiðslu okkar í Ármúla 28.

Handhafar Premium Icelandair American Express og Business Icelandair American Express greiða hálft gjald eða 12 Evrur fyrir heimsókn sína í Priority Pass stofu en fullt gjald fyrir gest, 24 Evrur.

Hóflegt gjald, eða USD 30, verður fært á Atlas Platinum og Corporate kort í kjölfar hverrar heimsóknar í Priority Pass betri stofur.
Ef korthafi óskar eftir að bjóða gesti með sér í betri stofu þá greiðist einnig 30 USD fyrir hans heimsókn.


Þau kort sem bjóða upp á aðgang í betri stofur Priority Pass erlendis:

  • Platinum
  • Platinum Icelandair
  • Premium Icelandair American Express
  • Business Icelandair American Express
  • Corporate MasterCard kort

Finna betri stofu erlendis