• sos-165-165

Neyðarþjónusta

Fyrir korthafa allan sólarhringinn

Þegar snurða hleypur á þráðinn á ferðalögum erlendis er SOS kortið, auk ferðaslysatryggingar Kreditkorts einn allra veigamesti þátturinn í víðtækri þjónustu Kreditkorts við korthafa sína.

SOS International

SOS International er alþjóðlegt fyrirtæki sem sérhæfir sig í neyðarhjálp við ferðamenn, og veitir fyrirtækið neyðarþjónustu allan sólarhringinn, alla daga ársins. Hvar sem er og hvenær sem er veitir SOS kortið korthafanum aðgang að margvíslegri neyðarþjónustu; læknishjálp og peningaaðstoð, jafnvel þótt allir pappírar – peningar, kort og skilríki séu glötuð.

 

Almennar upplýsingar um neyðarkort SOS

Kreditkort gefur út neyðarkort SOS þar sem er að finna öll þau símanúmer sem nauðsynlegt er að hafa við höndina komi eitthvað upp á. Tvö slík kort fylgja með öllum kortum og mælt með því að hafa eitt kort í veskinu og annað í t.d. ferðatöskunni eða á hótelinu.

Neyðarkortið veitir í megindráttum rétt til fernskonar aðstoðar án aukakostnaðar:

  • SOS gefur góð ráð símleiðis ef vanda ber að höndum.
  • SOS hefur samband við sjúkrahús og leggur fram ábyrgð fyrir
    kostnaði ef þörf krefur.
  • SOS aðstoðar við og greiðir sjúkraflutninga ef vátryggður slasast eða veikist alvarlega erlendis. Jafnframt er veitt aðstoð við flutning vandamanna í slíkum tilfellum.
  • SOS veitir tímabundið peningalán til greiðslu sjúkra- og lögfræðikostnaðar.

Fyrir hverja er SOS spjaldið?

Allir korthafar okkar sem hafa aðgang að neyðarþjónustunni fyrir sig og maka (sambýlismaka) óháð því hvort greitt er fyrir ferð þeirra með korti eða ekki.

Börn þeirra, 22 ára og yngri, njóta einnig aðstoðar SOS, þegar þau eru á ferð með foreldrum sínum (hjónum eða sambýlisfólki), ef annað/báðir eru korthafar, t.d. með aðal- og aukakort.

Þú getur nálgast SOS spjaldið í afgreiðslu okkar í Ármúla 28 eða óskað eftir að fá það sent í pósti.

Hvert er neyðarsímanúmerið?

Neyðarsímanúmerið er 533 1400 og er opið allan sólahringinn allan ársins hring.

Hverjir svara í neyðarþjónustunni okkar?

Starfsmaður okkar sér um alla svörun í neyðarsíma okkar. Því er það íslenskumælandi starfsmaður sem aðstoðar þig í neyð og aðstoðar þig síðan með mál þitt áfram ef þörf þykir til SOS neyðarþjónustufyrirtækisins.

Gagnleg símanúmer

Kreditkort vaktsími
(+354) 550 1500

Kreditkort neyðarsími
(+354) 533 1400

Vátryggingarfélag Íslands hf.
(+354) 560 5000
http://www.vis.is/

SOS International, Kaupmannahöfn
(+45) 7010 5050

Strategic Insurance Service Ltd. (bílaleigutryggingar)
(+44) 845 458 9677