Atlas Gull

Traust kort fyrir fólk á faraldsfæti.

Helstu kostir kortsins:

  • Points punktasöfnun
  • Mjög góðar ferðatryggingar
  • Neyðarþjónusta allan sólahringinn

Points punktasöfnun

Nýskráning

Fríðindin byrja að safnast um leið og þú hefur nýskráð þig á www.points.is fyrir Points punktasöfnun.  Eftir að skráning þín er orðin virk byrjar þú að safna punktum.

Points.is fríðindakerfið

Points.is er fríðindakerfi sem býður upp á fjölbreytt og skemmtileg fríðindi og gerir þér kleift að nota fríðindin þín strax. Þú einfaldlega innleysir þá punkta sem þú átt og nýtir þá til að kaupa margs konar vörur og þjónustu. Punktastaðan þín er uppfærð mánaðarlega inn á Points.is.

Með uppsöfnun þinni á kortið safnar þú punktum af allri veltu kortsins. Kreditkort er eini kortaútgefandinn á Íslandi sem veitir korthöfum fríðindi af allri veltu, hvort sem um er að ræða veltu innanlands, erlendis eða úttekt í hraðbanka.

Söfnun kortsins

Gull og Gull Plús korthafar safna 0,6% af allri veltu.

Aðalkorthafi þarf að vera skráður í Points fríðindakerfið til þess að skráning verði virk og punktar safnist af veltu kortsins. Aukakorthafi þarf ekki að skrá sig sérstaklega en punktar safnast af allri veltu aðal- og aukakorthafa sé aðalkorthafi skráður.

Tengigjald

Korthafi greiðir tengigjald árlega fyrir að tengjast Points fríðindakerfinu. Tengigjaldið er 1.500 kr en á móti leggjast 1.500 Points punktar inn á kennitölu korthafa sem hann getur ráðstafað í verðmæta vöru og þjónustu að eigin vali.

Skilmálar

Skilmálar tengdir Points fríðindakerfinu má lesa nánar hér. Gilda þeir fyrir alla þá korthafa sem að safna Points punktum.

Fyrirframgreitt kort í boði

Það er einnig í boði fyrir þig að fá Gullkortið sem fyrirframgreitt kort. Þá greiðir þú aldrei eftir á heldur áttu fyrir því sem þú ert að nota kortið í. Virkar því svipað og debetkort og greiðir engin færslugjöld og með öllum kostum kreditkorts svo sem endurkröfurétt og getur verslað á netinu.

Tryggingar kortsins

Með Gullkorti fylgja úrvals ferðatryggingar og neyðarþjónusta. Við mælum með að þú kynnir þér ferðatryggingarnar á kortinu þínu. Þú getur kynnt þér tryggingar hér.

Neyðarþjónustan er opin allan sólarhringinn og leggjum við okkur fram við að leysa mál þitt eins fljótt og þægilega og hægt er. Neyðarsímanúmerið okkar er 550 1500.

Heimild kortsins

Þegar sótt er um kort er óskað eftir ákveðinni heimild í umsóknarferli. Heimild korts samanstendur af einni sameiginlegri heimild eða lánaþaki sem kallast lánamörk kortsins. Öll kreditkort, MasterCard og American Express kort, sem eru gefin út á sömu kennitölu aðalkorthafa falla undir ein lánamörk. Lánamörk ná til allra viðskipta, innlendrar- og erlendra verslunar, boðgreiðslna, fastra greiðslna og greiðsludreifinga.

Notkun á aðal- og aukakorthafa falla þannig undir ein lánamörk.

Einnig ef aðalkorthafi er með MasterCard og American Express kort sem kortatvennu eru lánamörk kortanna sameiginleg.

Hvert kort er svo einnig með sjálfstæða heimild sem í sumum tilvikum skiptist í innlenda og erlenda heimild. Möguleiki er að hafa sjálfstæða heimild kortsins lægri en lánamörk þess ef korthafi óskar eftir, en aldrei er hægt að nota kort fyrir hærri upphæð en lánamörk kortsins segir til um.

Hægt er að fá upplýsingar um heimildir korta á Mínum Síðum Kreditkorts en upplýsingar um lánamörk korta er hægt að nálgast hjá þjónustuveri Kreditkorts í síma 550-1500 eða með því að senda fyrirspurn í tölvupósti á kreditkort (hjá) kreditkort (.) is.

Hraðbankaheimildir kortsins

MasterCard er þekkt vörumerki um heim allan og því oftast auðvelt að finna hraðbanka til að taka út reiðufé, hér heima og erlendis. Úttektarheimildir kortsins eru:

  • Innanlands: 50.000 kr. á dag á meðan heimild leyfir (hámark 200.000 kr.).
  • Erlendis: 80.000 kr. á dag á meðan heimild leyfir.

Athugið að hraðbankar gætu verið með aðra heimild og því verður úttekt að fara eftir heimild hraðbankans hverju sinni.

Kortatímabil kortsins

Nýstofnuð kort eru stofnuð með kortatímabili frá 27.hvers mánaðar til og með 26. næsta mánaðar. Gjalddaginn er 2. hvers mánaðar nema ef að sá dagur ber upp á helgidag þá er gjalddaginn næsta virka dag á eftir.

Í boði er að velja um tvenn önnur kortatímabil:

Annað kortatímabilið er frá 1. til og með 31. sama mánaðar. Gjalddaginn er 3. hvers mánaðar nema ef að sá dagur ber upp á helgidag þá er gjalddaginn næsta virka dag á eftir.
Ath. Þetta kortatímabil er eingöngu í boði sem pappírslaus viðskipti og fær korthafi reiknings sinn birtan í rafrænum skjölum netbanka.

Þriðja kortatímabilið er frá 12. hvers mánaðar til og með 11. næsta mánaðar. Gjalddaginn er 17. hvers mánaðar nema ef að sá dagur ber upp á helgidag þá er gjalddaginn næsta virka dag á eftir.

Kortatímabilið er alltaf það sama og því aldrei breytilegt.

Árgjald kortsins og annar kostnaður

Árgjald kortsins er 10.500 kr.

Árgjald aukakortsins er 5.250 kr.

Önnur gjöld og kostnaður kortsins má finna undir gjaldskrá Kreditkorts.