Corporate kort

Corporate kort eru sérlega þægileg þeim starfsmönnum fyrirtækja sem ferðast mikið.

Kortið veitir mjög góðar ferðatryggingar s.s. slysa-, farangurs- og ferðarofstryggingar.

Ef óskað er, stendur Corporate korthöfum til boða Priority Pass sem veitir aðgang að u.þ.b. 600 betri stofum erlendis. Korthafi greiðir hóflegt aðgangsgjald fyrir hverja heimsókn.

Ef oft er verið að leigja bílaleigubíla hjá þínu fyrirtæki, getur Corporate kortið sparað stórfé! Innan tryggingaþátta þess er svokölluð bílaleigutrygging en hún kemur í stað kaskótryggingar sem oft er stór þáttur í leiguverðinu.

Frítt Einkakort fylgir Corporate kortinu ef óskað er. Kortið hefur enga fjárhagslega tengingu við fyrirtækið enda hefur korthafi Einkakortið til sinna eigin nota og ber fulla ábyrgð á því sjálfur.

Aðgangur að færslusíðu er fyrir korthafa en á þeirri vefsíðu sjást allar færslur kortsins sem og hægt er að undirbúa þær fyrir bókhald fyrirtækisins.

Hagræðing og yfirsýn yfir ferðaútgjöld og risnu

  • Veitir aðgang að færslusíðu MasterCard
  • Stjórnendur og korthafar hafa gott yfirlit yfir eigin kort á færslusíðu
  • Sundurliðaðar upplýsingar um ferðakostnað og frakt
  • Starfsmenn vel tryggðir á ferðalögum

Fríðindi og þægindi fyrir starfsfólkið

  • Handhafi á kost á Einkakorti til einkanota án endurgjalds. Hægt er að óska eftir aukakorti á Einkakortið og er árgjald þess 4.250,- kr.
  • Vildarpunktar í Icelandair Saga Club, 9 Vildarpunktar af hverjum 1.000 kr. sé færsla 2.000 kr. eða hærri af innlendri veltu hjá söluaðilum sem eru með sölusamning við Borgun
  • Vildarpunktar af veltu hvers og eins korthafa leggjast inn á kennitölu hans í lok tímabilsins.
  • Mjög góðar ferðatryggingar, þ.m.t. bílaleigutrygging
  • Priority Pass sem veitir aðgang að yfir 600 betri stofum út um allan heim. Hóflegt gjald, eða USD 30, verður fært á Corporate kort í kjölfar hverrar heimsóknar í Priority Pass betri stofur.
    Ef korthafi óskar eftir að bjóða gesti með sér í betri stofu þá greiðist einnig 30 USD fyrir þá heimsókn.

Mjög góðar ferðatryggingar

Ferðatryggingar og neyðarþjónusta á ferðalögum erlendis er eitthvað sem margir korthafar ganga að sem vísu.

Þetta er sennilega sá hluti fríðindanna sem fylgja MasterCard kortum sem fæstir hugsa mikið til, en getur að sama skapi verið gríðarlega mikilvægt ef eitthvað bjátar á á ferðalögum um fjarlægar slóðir.

Með Corporate kortinu fylgja mjög góðar ferðatryggingar, þ.m.t. bílaleigutrygging. Athugið að vegna bílaleigutryggingar þarf að kaupa grunnábyrgðartryggingu hjá bílaleigunni erlendis.

Athugið að korthafi þarf að kaupa grunnábyrgðartryggingu hjá bílaleigu svo að kaskó- og viðbótarábyrgðartrygging taki gildi.

Bílaleigutrygging gildir ekki á Íslandi, Rússlandi og fyrrum lýðveldum Sovétríkjanna og Afríku (S-Afríka undanskilin) og ekki innan dvalarlands korthafa. 

Við hvetjum korthafa að kynna sér bílaleigutryggingarskilmála kortsins.

Tryggingar Corporate kortsins má nálgast hér

Hraðbankaheimildir kortsins

MasterCard er þekkt vörumerki um heim allan og því oftast auðvelt að finna hraðbanka til að taka út reiðufé, hér heima og erlendis. Úttektarheimildir kortsins eru:

  • Innanlands: 50.000 kr á viku á meðan heimild leyfir.
  • Erlendis: 80.000 kr á sólahring á meðan heimild leyfir.

Vikuleg hraðbankaheimild fyrir kortið byrjar á mánudegi til sunnudags.

Athugið að hraðbankar gætu verið með aðra heimild og því verður úttekt að fara eftir heimild hraðbankans hverju sinni.

Kortatímabil kortsins

Hægt er að velja á milli tveggja kortatímabila fyrir Corporate kortið.

Fyrra kortatímabilið er frá 1. hvers mánaðar til og með 31. sama mánaðar. Gjalddaginn er þá 17. næsta mánaðar á eftir nema ef sá dagur ber upp á helgidegi, þá er gjalddaginn næsta virka dag á eftir.

Síðara kortatímabilið er frá 27. hvers mánaðar til og með 26. næsta mánaðar. Gjalddaginn er 2. hvers mánaðar nema ef sá dagur ber upp á helgidag, þá er gjalddaginn næsta virka dag á eftir.

Gjalddagi er jafnframt eindagi.

Árgjald kortsins og annar kostnaður

Árgjald kortsins er 17.400 kr.

Árgjald aukakorts er 17.400 kr.

Tengigjald við Icelandair Saga Club er 2.500 kr.
- 4.000 Vildarpunktar verða lagðir inn á korthafa við greiðslu tengigjalds

Önnur gjöld og kostnaður kortsins má finna undir gjaldskrá Kreditkorts.