Viðskiptakort Gull

Hentar vel ef starfsfólk þarf að ferðast á vegum fyrirtækis, en því fylgja mjög góðar ferðatryggingar og öryggi fyrir ferðalagið.

  • Mjög góðar ferðatryggingar, þ.m.t. bílaleigutrygging
  • Aðgangur að færslusíðu MasterCard
  • Val um að fá sem fyrirframgreitt kort

Mjög hentugt að setja allar fastar greiðslur og regluleg innkaup á kortið. 

Einstaka yfirsýn er hægt að fá yfir kortið með færslusíðu MasterCard en þar er hægt er að skoða allar færslur jafnóðum og þær berast og það fæst yfirsýn yfir útgjöld fyrirtækisins. 

Fyrirframgreitt kort

Viðskiptakort Gull má einnig fá fyrirframgreitt.

  • Engir reikningar
  • Engar ábyrgðir
  • Verslað á netinu án óþæginda

Mjög góðar ferðatryggingar

Ferðatryggingar og neyðarþjónusta á ferðalögum erlendis er eitthvað sem margir korthafar ganga að sem vísu.

Þetta er sennilega sá hluti fríðindanna sem fylgja MasterCard kortum sem fæstir hugsa mikið til, en getur að sama skapi verið gríðarlega mikilvægt ef eitthvað bjátar á á ferðalögum um fjarlægar slóðir.

Með Viðskipta Gullkorti fylgja mjög góðar ferðatryggingar, þ.m.t. bílaleigutrygging. Athugið að vegna bílaleigutryggingar þarf að kaupa grunnábyrgðartryggingu hjá bílaleigunni erlendis.

Athugið að korthafi þarf að kaupa grunnábyrgðartryggingu hjá bílaleigu svo að kaskó- og viðbótarábyrgðartrygging taki gildi.

Bílaleigutrygging gildir ekki á Íslandi, Rússlandi og fyrrum lýðveldum Sovétríkjanna og Afríku (S-Afríka undanskilin) og ekki innan dvalarlands korthafa. 

Við hvetjum korthafa að kynna sér bílaleigutryggingarskilmála kortsins.

Sjá nánar um tryggingar kortsins.

Hraðbankaheimildir kortsins

MasterCard er þekkt vörumerki um heim allan og því oftast auðvelt að finna hraðbanka til að taka út reiðufé, hér heima og erlendis. Úttektarheimildir kortsins eru:

  • Innanlands: 50.000 kr á viku á meðan heimild leyfir.
  • Erlendis: 80.000 kr á dag á meðan heimild leyfir.
  • Plúskort: sömu heimildir og hér að ofan.

Vikuleg hraðbankaheimild fyrir kortið byrjar á mánudegi til sunnudags.

Athugið að hraðbankar gætu verið með aðra heimild og því verður úttekt að fara eftir heimild hraðbankans hverju sinni.

Kortatímabil kortsins

Viðskiptakortinu bjóðast tvær leiðir í kortatímabilum:

Fyrra kortatímabilið er frá 1. hvers mánaðar til og með 31. sama mánaðar. Gjalddaginn er þá 17. næsta mánaðar á eftir nema ef sá dagur ber upp á helgidegi, þá er gjalddaginn næsta virka dag á eftir.

Síðara kortatímabilið er frá 27. hvers mánaðar til og með 26. næsta mánaðar. Gjalddaginn er 2. hvers mánaðar nema ef sá dagur ber upp á helgidag, þá er gjalddaginn næsta virka dag á eftir.

Gjalddagi er jafnframt eindagi.

Árgjald kortsins og annar kostnaður

Árgjald kortsins er 11.200 kr.

Árgjald aukakorts er 11.200 kr.

Önnur gjöld og kostnaður kortsins má finna undir gjaldskrá Kreditkorts.